Tingin ko nasabi na ang lahat ng pwedeng sabihin ng parehong panig.
Sa nangyayari ngayon, hindi na maganda yung ganito. Halos magpatayan na tayo. Pare-pareho naman tayong mga Chroniclers. Kahit ako, foul yung mga pinagsasabi ko dito. Sorry sa new TAC.
Kung meron mang dapat makaintindi sa sitwasyon at hirap ng new Chroniclers, tingin ko ay ang kapwa rin nila Chroniclers na nauna sa kanila.
Pero sana maunawaan natin pareho na matindi ang nangyari sa student pub. Napasara ito ng admin ng dalawang taon. At ang masaklap pa nito, ang nasa pag-iisip ng bagong Chroniclers ay napakasama ng lumang TAC. Na napaka-corrupt nito at sobrang nakakahiya. Na dumating pa kayo sa puntong gawing VOLUME #1, ISSUE #1 ang maiden isyu ng term nyo. Ano ang ibig nyong ipakahulugan sa ginawa nyong ito? Mali yun. Mga bago pa lang kayong lahat dyan sa TAC. Lahat sa inyo, first time pa lang naging editor. Ni hindi nga kayo dumaan sa pagiging staffwriter ata.
Kung feeling nyo, hindi namin nauunawaan ang hirap na dinanas nyo sa maiden issue nyo, sana maunawaan nyo na hindi lang iisang issue ang ginawa namin dyan. At ngayon, nais nyong ibalewala ang lahat ng ginawa naming issues. Kung nakakahiya man sa inyo ang huling terms ng TAC, wag nyo namang lahatin. Ang alam ko ay volume 26 na dapat kayo at hindi volume 1. Paano naman yung mga naunang terms? PINUTOL nyo ang connection nyo sa mga naunang terms ng TAC dahil dito. Nagsisimula pa lamang kayo. Wala pa kayong napapatunayan. Pasensya na, ito lang ang nararamdaman ko.
Pati yung editorial nyo. Ano ang nilalaman nun? Patungkol ba yun sa mga kalintikan ng lumang TAC? Sino kayo para husgahan ang term na yun na masasabi kong isa sa pinakamadilim na pahina ng TAC? Alam nyo ba na napaka-traumatic sa mga Chroniclers ng last term ang pangyayaring iyon? Na sa kanilang term bumagsak ang Chronicle? Na hindi nila alam kung paano nila tatanggapin ang pagkakasara nito.
At ngayon, ang mismong NEW TAC pa na wala pang napapatunayan ang naghagis ng bato sa lumang TAC? Sino kayo? Andun ba kayo nun? May naitulong ba kayo? Kung ako nga na isang senior ng TAC, hindi ko magawang masisi ang last term dahil sa pagkakasara ng Chronicle na ginawa ko nang buhay ko, sino pa kaya kayo? May karapatan ba kayo?
Nakakasawa na yung ganitong away natin. Dumudumi na.
Kay Onlooker, sports lang tayo. Kung magka-batch tayo, tingin ko magkakasundo tayo kasi pareho tayong pikon. Sana mabuhay mo yung interes ng Adamsonian sa sports kasi para sa akin, wala talagang kabuhay-buhay ang magsulat ng tungkol sa sports. Lalo na sa basketball na laging talo ang varsity natin. Pero walang suntukan.
Kay Gervic, sa lahat ng member ng new TAC, ikaw lang ang medyo kilala ko. At nabasa ko na yung ibang articles mo, masasabi ko na okay kang magsulat at yung pag-apply mo sa editorial board exam para sa new TAC ang isa sa mga ikinagalak ko. kasi kahit papaano ay hindi totally naputol ang “bloodline”. At sa pag-aaral ko sa composition ng pangalan mo at sa hugis ng iyong mukha, nahulaan ko na ok ka. Sensitive ka lang. Normal lang yun lalo pa’t nagisa yung maiden issue nyo. Ikaw pa naman ang associate editor. I know how it feels… Hehehe. wag nyo na lang personalin ang isyu nyo dito ni Tikgirl kasi ganun talaga mang-okray yun. Kahit ako napipikon ako sa mga comment nun. Wala na akong masasabi sayo. Sorry sa mga nasabi ko dati sa term nyo. Alam ko bago pa lang kayo kaya sobrang hirap talaga ng pinagdanasan at pinagdadanasan nyo ngayon (nagsasalita ako bilang isang Chronicler kagaya nyo).
Anyway, Kahit ano pa man ang nasabi, CONGRATZ sa MAIDEN ISSUE nyo. Hirap ano? Pero masarap. Hindi ka na mahihirapan manganak sa panganay mo Gervic pag nag-asawa ka. hehehe.
Advice lang, namnamin nyo yung mga feedback at atake sa inyo dito. Marami kayong matututunan dito.
Sa layout, nandyan pa ata si Invaderzim at willing syang tumulong sa inyo. Malaki ang maitutulong ng magandang layout at magaling na layout artist. Sobra! Kasi dapat di na pinoproblema ng mga writers ang pag-le-layout dahil ang layout artist na dapat ang gagawa nito.
Kay Tikgirl, keep it up! You’re doing great. Naka-blockbuster ka sa post mo pati yung adviser nila ay napasalita mo.
Sa writing, anytime pwede kayong tumawag sa kahit sinong alumni ng tac para tulungan kayo. Wag na kayong pumunta sa baguio o sa kahit na ano pang seminar. Free of charge yung mga alumni. Dunkin Donut lang katapat nila. Wag kayong mag-alala di ako kasama dun. Baka di na ako makalabas ng buhay dyan. Hehehe. Sa totoo lang, maraming mababait na TAC alumni. Sobra!
Mag-recruit din kayo ng artist para sa graphics. Kailangang yun sa dyaryo lalo na sa editorial nyo. Wag kayong kukuha nang artist na si Popeye lang ang kayang i-drawing.
********************************
Alam ko darating din yung time na magkakasundo-sundo ang lahat para sa kapakanan ng Chronicle.
Pero ceasefire lang ito (para sa akin). Hehehe. Who knows?
Tags: Adamson+Chronicle
About the author:
stiban_graffiti has blogged 9
posts
Write a comment