Si Steve Armstrong nga daw ang makasaysayang bayani na nagpapagalaw sa ultraelectromagnetic na robot na si Voltes Five, at ang kanyang ama, na si Ned Armstrong, ang mesiya ng syang tunay na tagapagligtas ng sangkatauhan mula sa mananakop na Bozanians.
Pero teka, sandali, sa buong palabas, nasabi ba sa kwento kung bakit gustong sakupin ng Bozanians ang Earth?
E kung tutuusin, mas maganda pa kung Martians na lang ang sasakupin nila. Atleast highly advanced, hindi ba?
Ibig sabihin, meron talagang weakest part ang tao kaya earth ang naisipang sakupin ng Bozanians. Paano kaya kung hindi pumunta si Dr. Armstrong sa mundo at sa Pluto/ Mercury/ Mars sya napunta? Magkakaroon kaya ng Voltes Five? Gwapito pa rin kaya ang pilot ng Cruiser One o mukhang Martian (ala Mars Attack).
Highly educational naman ang Voltes Five, hindi sya isang Japanese kitsch. Halatang pinag-isipan ang buong istorya. Akalain mong Gumawa ang creator nito ng gwapo at rational na antagonist (si Prince Zardoz) na fully developed ang character at hindi lang malakas at demonic ang tawa. Ang bonus pa dun, may ka-loveteam pa sya (ako yun). At mantakin mo, talagang Physics at scientific knowledge ang basis ng lahat ng mga weaponry, pareho ni Voltes Five at ng kanyang kalaban na Beast Fighters ng Bozania. Akalain mong may radiation pala ang dalawang rings na pumapalibot sa Planetang Bozania at hindi ito mapapasok ng kahit anong klase ng ultraelectromagnetic robot dahil malakas ang force fields nito. At kung hindi marunong magteleport ang spaceship mo, hindi ka makakapasok sa planetang ito. Highly advanced, mas advanced pa sa butt scanner ng Adamson University.
Ang malupit pa dito, ginamit ng creator ng Voltes Five ang mga ideas ni Albert Einstein. Akalain mo, ginamit nya ang fifth dimension at ang time warp para maging makataotohanan ang paglalakbay ng Camp Big Falcon papuntang Bozania at kung paano nakarating ang mga taga-Bozania sa planeta natin (14 light years ang layo ng dalawang planeta, parehong magkaiba ng galaxies).
Marahil, isang fanatic kay Einstein ang hapon na gumawa nito. Pati kasi ang Theory of relativity ni Einstein ginamit nya para ieksplika ang force fields ng Camp Big Falcon.
Ang ultimate na kagandahan ng Voltes Five, ay universal ang idea nito. Mapa-hapon man ang Gumawa, o german ang mga ideas na ginamit dito, iisa lang ang gusto nitong iparating:
World peace.
Bow.
Write a comment